Ж.Егінбаев атындағы интернаты бар орта мектептің «Жас мамандар» мектебінің 2022-2023 оқу жылы І жартыжылдықта атқарған жұмысы туралы

2022-2023 оқу жылында Ж.Егінбаев атындағы интернаты бар орта мектеп бойынша 6 жас маман бар. Оқу жылының басында оларға тәлімгерлерлікке пән мұғалімдері ұсынылып, бекітілді. «Жас мамандар» мектебінің жылдық жұмыс жоспары, тәлімгерлер мен жас мамандардың жылдық жұмыс жоспарлары құрылып, бекітілген.
Жас мамандар2022-2023 оқу жылына арналған әдістемелік-нұсқаулық хатпен, № 472,№ 382, № 399 бұйрықтарымен таныстырылып, оқу бағдарламасына сәйкес күнтізбелік-тақырыптық, қысқа мерзімді сабақ жоспарларын жазу, «Күнделік.kz» журналын толтыру және оқушыларды формативті бағалау, оқыту платформаларын қолдану бойынша әдістемелік көмек көрсетілді, оқу-тәрбие үрдісіндегі нормативтік және оқу бағдарламалық құжаттармен таныстырылды. Мұғалім портфолиосын жинақтау бойынша нұсқау берілді. Жас мамандар «2021-2022 оқу жылындағы орта білім беру ұйымдарында оқу-тәрбие процесін ұйымдастыру ерекшеліктері» тақырыбында өткен облыстық вебинарға, аудандық жас мамандар ассоциациясының отырысына, тәлімгерлер «Білім беру ұйымдарында тәлімгерлік жұмысты тиімді ұйымдастыру арқылы жас мамандардың шығармашылық әлеуетін көтеру» тақырыбында өткен облыстық вебинарға қатысты.
Жас мамандар сонымен қатар білім берудегі олқылықтарды еңсерудегі тапсырма түрлерін ұйымдастыру, ерекше білім беруді қажет ететін білім алушылармен жұмысты ұйымдастыру, оқушылардың функционалдық сауаттылығын арттыру бойынша жұмыстарды ұйымдастыру жолдарымен таныстырылды. «Жас мамандар» мектебінің семинарларына, онлайн вебинарларға, ғылыми конференцияларға, олимпиадаларға, байқауларға қатысты. Мектеп психологы тарапынан жас мамандарға психологиялық қолдау көрсетіліп, психологиялық тренингтер өткізіліп, сауалнамалар алынды.Жас мамандар тәжірибелі мұғалімдердің және тәлімгерлердің сабақтарына қатысып, сабақта қолданылатын әдіс-тәсілдермен танысып, тәжірибе жинақтады. Тәлімгерлер жас мамандардың сабақтарына қатысу арқылы әдістемелік көмек көрсетті.