«Жас ғалым» ғылыми-практикалық ұйымының есебі

Қазіргі уақытта түрлі білім жарыстарында, Қазақстан намысын халықаралық ареналарда биіктерге көтере алатын білімді де таланты жастарға деген сұраныс өте мол. Еліміздің болашағы білімді де, қабілетті жастардың қолында. Жастарға білім мен тәрбие беру мектеп қабырғасынан басталады.
Заман талабына сай білім бере отырып, оқушы бойында танымдылық қабілетін дамыту бүгінгі таңда ұстаз үшін жауапты іс болып табылады.
Бұл туралы Елбасы Н.Ә.Назарбаев: «Ғасырлар мақсаты – қоғамның нарықтық қарым-қатынасқа көшу кезінде саяси-экономикалық және рухани дағдарыстарды жеңіп шыға алатын, ізгіленген ХХІ ғасырды құрушы, іскер, өмірге икемделген, жан-жақты мәдениетті жеке тұлғаны қалыптастыру» — деген тұжырымдамасын да ашып көрсеткен.
Қоғамның осындай дарынды адамдарға деген қажеттілігін қанағаттандыру талабы білім беру жүйесінің алдында баланың жеке қабілеті мен әлеуметтік белсенділігінің дамуына жол ашу, шығармашылық қабілеті зор жеке тұлғаны қалыптастыру міндетін қойып отыр. Бұл жердегі мұғалімнің міндеті: әр оқушының бойындағы бейімділікті дер кезінде көре біліп, оны дамыту.
2022-2023 оқу жылына дейін Ұйым бір бағытта жұмыс жасады. Атап айтсақ: аудандық «Дарын», Кіші ғылыми академияларына қатысып, жүлделі орын алып, облыстық, республикалық конференцияларына жолдама алу.