«Ерекше білім беруге қажеттілігі бар білім алушыларға жалпы білім беру мектебінде психологиялық-педагогикалық қолдау көрсету» тақырыбында өткен с

«Ерекше білім беруге қажеттілігі бар білім алушыларға жалпы білім беру мектебінде психологиялық-педагогикалық қолдау көрсету» тақырыбында өткен семинар туралы мәлімет
2021 жылы 13 –ші қазан күні «Жылқайдар Егінбаев атындағы интернаты бар орта мектеп» коммуналдық мемлекеттік мекемесінде «Ерекше білім беруге қажеттілігі бар білім алушыларға жалпы білім беру мектебінде психологиялық-педагогикалық қолдау көрсету» тақырыбында семинар өткізілді. Семинардың мақсаты: ерекше білімді қажет ететін оқушылардың сынып жетекшілеріне, пән мұғалімдеріне түсіндіру жұмыстарын жүргізу, әдістемелік көмек көрсету, кеңес беру. Мектептің педагог-логопеді А.Б.Журтбаева «Мектептегі педагогикалық консилиумді ұйымдастыру» тақырыбында баяндама оқып, педагогикалық- психологиялық консилиумның мақсат-міндеттерімен және оның ұйымдастырылуы туралы мәлімет берді. А.Журтбаева консилиум мүшелерінің әр баланы оқыту мен тәрбиелеуде анықталған проблемаларды жою бойынша іс шараларды ұйымдастыратыны туралы айтып өтті.
Мектептің педагог-дефектологі Т.С.Абилова пән мұғалімдерін оқушыларға көрсетілетін психологиялық-педагогикалық қолдау жұмысымен таныстырып өтті. Сонымен қатар ерекше білім беруді қажет ететін оқушылармен жұмыс барысында толтырылатын құжаттар туралы, жеңіл ақыл-ой кемістігі бар балаларға №469 бұйрықтан оқу бағдарламасын алатыны жайлы айтылды
Мектептің педагог-психологі Манар Каблаш пән мұғалімдерімен тренинг өткізді. Тренинг барысында тақырыпқа байланысты ситуациялық жағдаяттарды талдау карталары ұсынылды. Қатысушылар өз ой- пікірлерін ортаға салып, тақырыпқа байланысты ойларын айтты. Сонымен қатар педагогтарға ерекше білім беруді қажет ететін оқушылармен жұмыс жүргізуде бірлесіп жұмыс жүргізу, ұжым болып ат салысу мақсатында тренингтік жаттығу ұйымдастырылды.