«Дарын» ғылыми орталығымен жүргізіліп жатқан жұмыстар.Мәлімет.

2022-2023 оқу жылында «Дарын» ғылыми орталығының жетекшісі биология пәнінің мұғалімі Уәлиев Ұлан Бақыткелдіұлы өз жұмысын ары қарай жалғастыруда. «Дарын» ғылыми –әдістемелік орталығы пән мұғалімдерімен бірге дарынды оқушылармен жұмыстар жүріп жатыр.
Қазіргі уақытта дарынды балалармен жұмыс істейтін бірнеше жұмыс формалары бар: интеллектуалды сайыстар, зияткерлік пән олимпиадалары, ғылыми – зерттеу жұмыстары, балалардың көркем әдеби шығармашылық конкурстары. Дарынды оқушылармен жұмыс пән мұғалімдерінің ата-аналармен, психологтармен, мектеп әкімшілігімен тығыз байланыс жағдайында өткізіледі. Мектебімізде дарынды балалармен жұмыс жоспарға сәйкес жүргізіледі.
Мақсаты: Жан жақты білімді іскер өздік ойлау жүйесі дамыған адамгершілігі жоғары дені сау барынша қабілетті жанды қалыптастыру. Бала дарынының ашылуын өз қабілетіне сәйкестендіре дамыту, жетілдіру Дарынды балалармен жүйелі жұмыс ұйымдастыру.
Жылдың басында мектеп психологі М.Қаблаш оқушылардан сауалнама алып, оқушылардың пәндерге қызығушылықтарын анықтап, бағыт бойынша бөлді, оқушылардың тізімі жасалды.
Дарынды балалармен жұмыс келесі бағыттар бойынша іске асырылады:
Жаратылыстану-математикалық бағыты;
Қоғамдық-гуманитарлық бағыты;
Музыкалық-эстетикалық бағыты;
Әскери-спортбағыты дарынды оқушылармен жұмыс мұғалімніңбақылауымен тікелей жүзеге асып отыруы қажет. Әр жұмыс түрлері талданып, сараптама жасалынады. Осы сараптама негізінде дарынды оқушылар мектепішілік, аудандық, облыстық, республикалық іс-шараларға қатыстырылады.
Дарынды оқушыларды іріктеп, олармен мынадай жұмыс түрлері жүргізіледі:
1. Баланың қызығушылығына әрі табиғатына қарай ғылыми жұмысқа баулу;
2. Пәндік олимпиадалық жұмыстарға дайындау;
3. Қазіргі кезде жақсы дамып келе жатқан дебаттарға, пікір – сайыс яғни интеллектуальды ойындарға,ғылыми жобалар байқауына дайындау;
4. Мектептің ғылыми қоғамындағы үйірме жұмыстарын ұйымдастыру.
Дарынды балалармен жұмыс олардың мектепішілік интеллектуалды байқауларға қатысуымен шектелмейді, оқушылардың аудандық, облыстық және республикалық байқауларға қатысуы дәстүрге айналып келеді, оқушыларды олимпиадаға және түрлі зияткерлі сайыстарға қатыстырғанда үздіксіз білім беру жұмысының тиімділігі көрініп тұрады.
Жыл бойы дарынды балалармен жұмыстар кешенді түрде жүргізіледі. Пән апталықтарында дарынды балаларға арналған әртүрлі интеллектуалды сайыстар өткізіледі.
2022-2023 оқу жылында мектеп оқушыларының келесі интеллектуалды ойындарға қатысуына сұраныс беріліп,оқушылар қатысты.